شعر  و  نویسندگی  آذریان

سلاملار و سایقیلار 4ایلدن سونرا یئنیدن باشلاماق و یازماق گئرکیر یئنیدن یازماق و یئنیدن کلمه لرله باریشماق

وبئلکه ده سطیرلرده آلیشیب یانماق و یازماق یارادماق

یئنیدن کونلومه سوزلر ایز سالیب

بارماقلار یازماغا هئوه سه گلیب

کونول باریشیب دی کوئسن دیلیمدن

طوفانلار کونلومده بیر ائسه گلیب

داها باش آغاریب اولدوم ایختییار

بیزه اوزگه اولوب یار...یولداشلار

داها ساچلاریمی روزگارلار دارار

کونلومده روزگاردان های هاوار گئلیب

بیر دونیا بیر ده سن قوجاتدین منی

یئغدین بو قلبیمه کئدری غمی

داها زامان یوروب یورقون قلبیمی

بئله جه اورگیم شئکوه یه گلیب

آذریان

سنی من بیر نفس کیمی ،چکمیشم ایچیمه اینان 

ایستر دایان ،ایستر سه گئت ،و بلکه ده بیراز دولان 

بیر گون گئلر تکجه آدیم ،ازبر قالار دوداغیندا 

و اوندا دا بلکه یوخام، و ساده جه باخ و دایان⚘⚘

گئچن گونلریمیز کاش بیرده  گئله

توتوشا قلب لر یان یانا بیردن

محبت سئوگیدن  ال اله گئله

یانادا  طالعین او پیس گونلری

خوش گونلر سنینله  اوز اوزه گئله

ائله جه باخیشین قلبیمی آلیب 

گولوم بئنزه ییرسن   بیر غنچه گوله

پاییزین  تحفه سی  قلبیمین یازی

سن اولدوز اولوبسان گئجه لریمه

یاتمیرام  یازیرام هر گئجه  یازی 

سن الیف  اولوبسان  هجه لریمه

نه زامان قلمیم  ائلیمه  گئلسه

ایختیارسیز  گئلیر  شعر لر سنه

گور نئجه آللاهیم  ایسته ییر منی

بو گوزل  سئوگینی  توش ائتدی منه

اوزاق  اوزاق  دولانما  یار 

یاخینا  گئل  گئل  باریشیم

سن اولماسان 

جوشماز طبعیم.گئلمز شعرلر  اورگیمه

سنسیز  گولوم   .نه معنا  وار  منیم 

آرزو  دیله گیمه

سن اولماسان  اوزوم گولمز .سئوگی  ندیر اورک بیلمز

گوز یاشیمی  کیمسه  سیلمز

گئل گوزلیم  داریخیرام     سنه اورکدن  باخیرام

سن پاییزین  یادگاری  محبتین  سئوگی باری

آذریانین   دوز ایلقاری .

گئل کی قلم  سوزه  گئلسین

قلمیمدن  سوز  ائلنسین

گئل گوزلیم  پاییز گونو   باهار اولدون سن  یاز اولدون

شعر اولدون    نغمه اولدون  سینه مده  تئللی  ساز اولدون

منه  غملی  آواز اولدون

آردی وار  اوزومه عاییتدیر

اورگیم سنسیزدی  نیگارانام  من

شعریمده  مصرع لر  سنسیز داریخیر

بسدی  آی اینصافسیز   آخی  جانام  من

سئوگی  صداقتله  یان یانا  گئلسه

اولار یئمیشلرده  تامارزی  کیمی

ائله جه باخیرام  حسرتله  سنه

دوشوب  سن  قلبیمه  بیر  آرزو کیمی

سالیبسان  عشقینه  یازیق  بو جانی

کونلو ائدیبسن   تاپداق  مئیدانی 

باخیشین اولدورور  من  آذریانی 

ایستیر  کرم تک   آلوولانام  من؟

شعر  اوزومه عاییتدیر 

هارایا تک قویوب هارا گئدیرسن

شعریمده وزن سن  هم قافیه  سن

شعریمی  یاریدا  سن محو  ائدیرسن

***       ****

یاغیش تک گویلردن ائلنیب یئره

دوشوم صحرالارا  توز دومان  سالیم

یوخسا اینجیتمیشم  خبریم یوخدو

گئل باسیم باغریما  گئل قادان  آلیم

***     ****

هوا  شاختا  دومان  هوا قاریشیق

آیاز دونداریبدی  دوداقلاریمی

هردن  کوسولویوق  هردن  باریشیق

گولده  قورودارمی   بوتاغلارینی

***     ****

گوزلرین معنالی  گوزلرین  دئرین

باخاندا اوزوین  دونوب قالیرام

بلکه ده  گوزلیم  سئومیرسن منی

بو یازیق  کونلومو  من آللادیرام

***     ****

قالمیشام  کورپونون  دوز اورتاسیندا

ائله ده  قار یاغیر اوشویورم من

بیلمیرم قلبینین من هاراسیندا  

وارام  ؟  یا یوخودا یاشاییرام من

****      ****

یوخوما گئلمیشدین  گجه یاریسی

اوردا دا  شعرلر اوخوردوم سنه

دئیللر دوز  عشقین یوخدو چاراسی

شن شعره  باخیردین  .منیسه  سنه

شعر اوزومه عاییتدیر

یئنه اورک  شکوه ائدیر داد ائدیر

یئنه توکولن یاپراقدی چمنه

پاییز فصلی خزان ائدیر چول ائدیر

****       ****

سئوگی مهربانلیق  سئوگی نفسدیر

سئوگی اورک یانماق سئوگی بیر سسدیر

انجاق سئوگی چوخ اینسانا  قفسدیر

بو سئوگی نی چوخ اینسانلار زای ائدیر

***     ****

سئوگی بیر اوتری حیسدیر بیلینمز

سئوگی بیر تبسسم  سئوگی گورونمز

سئوگی بیر نعمت دیر ......وریلمز

بو سئوگی چوخ اینسانلار  های  ائدیر

****    *****

سئوگی گوزده اولماز   سئوگی  اورکده

سئوگی دیلده اولماز  سئوگی  بیلکده

سئوگی یئدیگیمیز  دوزدا  چورکده

....انسانلار  بو سئوگی نی  سوز ائدیر

****     *****

منیم  اورگیمده  سئوگی  پاییم وار

منیم بو سئوگی  یه  های   هاواریم وار

اما   اینان  مقدس  دوواریم وار

سنه  دوز  سئو  گور اینسانا  نه ائدیر

****     *****

من بیر سئوگی من بیر دلی  اولموشام

واللاه  تکجه  بو سئوداینان  قالمیشام

هردن یازیب  هردن پوزوب  دالمیشام

سنده  بیر  سئو گور  اینسانا  نه اولور

****   ***

اردی وار  اوزومه عاییتدیر

ینه  ایلهام گلیب  یازاجایام من

گئچمیشده  گوردوگوم یامان گونلری

بو خوش گونلریمله   پوزاجایام من

***       ***

سن اولدون بیر اغیار قالدین اورکده

بونو سن ایسته دین من یوخ  گوزلیم

مین  آرزو  مین  اومود مین بیر دیلکده

نقطه نی سن قویدون  من یوخ.....

****   *****

سن باشلاتین ایستک و سن بیتیردین

بیلمیرم  نییدی اماجین  دردین

بو هدفله  اخی هارا یئتیردین

دونیا ...کیمدی مردین ؟کیمدی نامردین؟

****      ****

بیزیم سئوگیلرین زامانی گئچیب

ایندی  (اینستا)وار ایندی  نلر  وار...

.......................

.............آردی وار

اوزومه عاییتدیر

داها  شاختالاردا  سویا دونرلر

قار التیندا  قالیب دونان چیچکلر

یاواش یاواش  گون  اوزونه گولرلر

****     ****

سنسیزلیق بیر یاندان  شاختا بیر یاندان

جانیم  هر ایکی سینین اورتاسیندادی

 قار بوراندا   تک  یووادا  یانلیز  قوش

  قالیب  قار بورانین   اورتاسیندادی

***     ****

 نه  زامان  گله جق  هیجران  زامانی

بیلمیرم  نه زامان  عومور دوراجاق

گولوش ده دیقلری  او بیر تبسسوم

بیزیم  اوزوموزه  هاچان  قوناجاق

****       ****

ازومه عاییتدی  اردی اولاجاق

پاییزام ای عومرون ایلک  باهارلیسی

  سن هاردان بیلسن  ندن بیلسن

  یوخدو بو دونیادا  سندن وارلیسی

منی مندن  آلدی  زامان

هر نه  یالانیمیش  یالان

آغارما  ساچیم  آغارما

***       ***

هرکس گلیب گولوب گءچیر

هر کیم  بیر یول باخیب  سئچیر

کدر منی بوغوب بیچیر

آغارما  ساچیم  آغارما

***     ***

آرزوم  اوزون  منزیل یاخین

 گوزوم قالیب  اوزاقلاردا

سوزله ریمه بیرجه  باخین

تکجه  قا لیر واراخلاردا

***      ***

آردی وار  شعر اوزومه عاییتدیر

 سایقیلار

عؤمور کئچیر، یامان کئچیر، 

  قلبیمدن قارا قان کئچیر. 

  داها گؤزللر یان کئچیر، 

  آغارما، ساچیم، آغارما!

  آغارما، ساچیم، آغارما! 

  نه ائرکن سنه دن دوشدو، 

  نییه دوشدو، ندن دوشدو؟ 

  بئینیممی قوووه دن دوشدو؟ 

  آغارما، ساچیم، آغارما! 

  آرزو سونسوز، عؤمور یاری... 

  آرتدی آلنین قیریشلاری، 

  سنده اینصاف اولسون باری 

  آغارما، ساچیم، آغارما! 

  منی قمگین گؤرسه اگر 

  دوشمن گولر، دوست قم یئیر، 

  قیزلار باخیب  " دایی "  دئیر، 

  آغارما، ساچیم، آغارما! 

  داشدیر قلبین، داشدیر جانین، 

  یوخدور، دویغون، یوخدور قانین. 

  هله گنجم، سن ویجدانین 

  آغارما، ساچیم، آغارما! 

  عؤمور کئچیر، یامان کئچیر، 

  قلبیمدن قارا قان کئچیر. 

  داها گؤزللر یان کئچیر، 

  آغارما، ساچیم، آغارما!

  هله سسیم اوجالماییب، 

  ائل گوجوندن گوج آلماییب. 

  هله اورک قوجالماییب 

  آغارما، ساچیم، آغارما! 

  ایلهام آدلی شاهپریم وار، 

  یول اوستیم، سفریم وار... 

  یازیلمامیش اثریم وار... 

  آغارما، ساچیم، آغارما... 

گفتی چه خبر؟ از تو چه پنهان خبری نیست

در زندگی ام، غیر زمستان خبری نیست

در زندگی ام، بعد تو و خاطره هایت

غیر از غم و اندوه فراوان خبری نیست

انگار نه انگار دل شهر گرفته ست

از بارش بی وقفه ی باران خبری نیست

ای کاش کسی بود که می گفت به یوسف

در مصر به جز حسرت کنعان خبری نیست

بولاغ  اتگینه  قوناق  اولموشام

هاوا  یاز گونودو  گونشدی  مه دی

ائله  جه  اورکدن   سوزدن   دولموشام

*****

واخت  گئچیبدی  هله  یول گوزله ییرم

داها  گونش باتیر   آیمی  چیخاجاق؟

سن سه  گئلیب گئچتین گورمه دین منی

سنی  من  جه.  بلکه   بیری   (سئوه جق)

******

بوش دویقلار گیردی    سنین قلبینه

ایندی کی  اوزگه  سن  نیه باخیرسان؟

من کی  یاندیم  نه لر  دوشدو الینه

بیلیرم  منیم ایچین     چوخ داریخیرسان

********

بیلمم خیالیمیش  بلکه ده یالان

بلکه ده بیر یوخو  من گئج اویاندیم

نیه  ؟   من دئمدیم  گئتمه  دور      دایان

بلکه  ده لال اولدوم  دوردوم  دایاندیم

********

بیلیرم  منه تای  هئچ گولمور اوزون

بوداقلارین  ایچین  آیاقداسان  سن

نه دنسئه  دئمدین  هئچ  سوزون دوزون

بیلیرسن  بیلیرسن  اورکده سن سن

********

سن اولدون  عمرومون ایلک  باهار  گولو

هر زامان  قلبیمین   بیر  یانینداسان

سن  نفس  چکیرسن  منیسه  اولو

......................................

اردی وار     اوزومه عاییتدیر

یئنه  فیکره  دالمیش   اوزولورم  من

گاهداندا  سیخیلیب  قیریلیرام  من

سونرا  بو صفحه  یه دوزولورم  من

********

کوهنه  دئییرمان  تک  قوروموش  سویوم

داها سونبوللرده  دن  ده  قالمامیش

قلم ده  دا کوسوب ائیله میر اویوم

بئلکه  ده  یادینا  هئچ  می  سالمامیش

**********

ایلک  سئوگی  ایلک باخیش  دونیامدی منیم

هله او دونیادا  یاشاییرام من

سن گئتدین  نه دئییم  خوشبخت  اول  شاد اول

هله ده حسرتین  ..................من

آردی وار  اوزومه  عاییتدیر

اوتورموشام  اوتاقیمین بیر کونجونده

هردن  یازیب  یارادیرام

جوموب  گئدیب  گئچمیشلره   نیسگیللنیب آغلاییرام.

هانی  سندن اولان گونلر هاردا قالدی او بیرلیق  لر .

هردن  دئییرم  دلی یم  ...

هریانی می   کتاب آلمیش 

من کیتابچی دییلم  کی ...

بوغولماقدان  یورولموشام..

هی جومورام  کیتابلارا  اوخویورام   اوخویورام .بیر باخیرام میز اوستونده  یوخو توتموش

اویانیرام  .دیسگینیرم.

 یئنه باشلاییب  یازیرام 

هی  یازیرام    هی  یازیرام 

بیلیرم  هئچ سونو یوخدو  

نیسگیللی  نیسگیللی   باخان   چیچیک  وار                                

باتما . آرزولاریم   اورکده  قالیب                                       

باری سن تک  قویما.بیز آزجیق  دور سن                                  

****                                                        

ایللر ناحاق  اوتدو  اونسوز منیمله                                           

ایچیم  آغلایارکن      اوزوم گولوردو                                            

هیجران آیری سالدی منی  سنینله                                             

بلکه  ده  یار اوزو  بونو بیلیردی                                              

 *****                                                               

هردن  بیلمه سن ده   گلیرسن  بیزه                                             

قوناق ائله  ییرم  یوخومدا  سنی                                               

********************                                                    

گل  قوتار   گل  قوتار  بودرد  دن منی                                           

شعر اوزومه عاییتدیر

یامان گئچیر  عومور سنسیز

دونوب قالدی   باخ  آرزولار

گئلیب  گئچیر   عومور سنسیز

**              **

کیمسه  اینانمادی  منه

من  سه   توتولموشدوم  سنه

حسرت  قالدیم  گولوشونه

گئلیب گئچیر  عومور  سنسیز

**                **

ایللر اوتدو    یاخشی     یامان

سنی  مندن  آلدی زامان

یوخدو   داهی     یوخدو   گمان

گئلیب  گئچیر  عومور  سنسیز

***                    ***

قلم   گئلیب   دیله  مندن

دیله  بیر   زاد  دیله مندن

.............             ...........

گئلیب گئچیر  عومور سنسیز

*****            ********

اردی  اوزومه عاییتدیر

قویمایادیم   ال لر سنی  آپارسین

کاش  کورپو   اولایدیم    سارایییم   سنه

قویمایایدیم   سللر سنی آپارسین

***                 ****

ایللر اوتدو  گوزلر  هله   دوماندی

هر بیر گونوم  اوبیر سیندن  یاماندی

ائشید دیم گئدیبسن عمروم تالاندی

قویمایایدیم  سنی  دیللر آپارسین

***            ****

سن گئتدین   ساچلاریم کوسدو اوزومدن

یورولدوم واختسیز  بیر بوش   دوزومدن

کاش قیشدا  گیدردین   .......ایزیندن

قویمایادیم   سنی  اللر آپارسین

***               ***

کاش  ساتاردین منی  اوز دئیه ریمه

نامرد چیخمایایدین دوز چوره ییمه

........................................

.....................................

****                  ****

شعر اوزومه عاییتدیر  

قلم یاز  سالیبلار  آیری بیزلری

قلم یاز  اویانسین آرازین چایی

قلم یاز  ائشیدسین  هاوار هاراییی

قلم یاز ایگیدلر گئلسین میدانا

قلم یاز دورسونلار ارلر یان یانا

قلم یاز قوجالدیم صبریم توکنیر

قلم یاز یاغی لر نفرت کین اکیر

قلم یاز یانیمدا تک سن قالیبسان

قلم یاز اختیار ..الدن آلیبسان

قلم یاز دومانلی گون آختاریرام

قلم یاز ....چوخ داریخیرام

قلم یاز ....آردی وار دوستلار اوزومه عاییتدیر شعر

قار یاغیر    یامان....قالانیر

یوللار باغلی    اورک داغلی

قوللار باغلی  دیللر داغلی

داغلار  چنلی  هاوا پوسلو

قوردلار  نه یامان دولانیر...

گوز تیکیبلر  گوزوموزه

یوردوموزا   ...دیلیمیزه

.....توشلویوبلار  اوزوموزه

.....دوران دولانیر

الدن گیدن گئلمز  آسان

قوچ کور اوغلو  بیرده  اویان

نئجه یاتیب باخ ستارخان

قوردلار...قالیب  تک دولانیر

آردی وار دوستلار منه عاییتدیر  شهر

یازیرام گئچمیشدن یازیرام  هرگون..

یازیرام  یازیلار دویگولانیللار

یازدیقیم  یازیلار   توزلو رافلاردا

منیمله  یاشیییب  منله قالیلار

بیلمیرم  نه قدر  بو زامان سورر

بیلمیرم  بو یازی  هارایا گئدیر

بلکه گوندوز  بلکه  بیر سحر سونر

گونلر بیر بیریندن چوخ یامان دونور

دوشونورم بیر پایییزین آخشامی

قلمدن دانیشیب بوغوشورام من

شانسیداندان بوگون جوما آخشامی

یئنه کلمه لردن دانیشیرام من

هردن کوسوب هردن باریشیریق  بیز

هردن اوز توتوروق  گئچمیشلره بیز

آردی  وار  شعر منه عاییددیر

****

یئنه دالغالارلا  جبل لشیرم

****

مین بیر دردی تو کوب گئتدی اوستومه

ایچیمده  دردلردن من ال لشیرمم

****

اللریم  دا توتمور   قلمی    یازام

نیسگیللی  نیسگیللی  دولانیرام من
****

اللریمه باخسان  دونان  بیر بوزام

شاختا ووران  گول تک  ساللانیرام من

****

هردن  فیکیر لره  دالیب گئچیرم

گئچمیشیم  دولودو  حسرت له آهدان
****

قارالاریین آتیب  آغین سئچیرم

بلکه  تئز قورتولام  گئچن گوناهدان
****

نه سن  موتلو اولدون  نه من  ......گوزلیم

بیلیرم سنده هئچ گورمه دین بیر گون
*****

تک سن اولددون  هم آخیریم  ازلیم

یاشا  یایدیم  سنله  عمریمده بیر گون

****

باشیم آغاریبدی   یئنیبدی قاشا

داها بالاجالار عمی سسله ییر

......................................

آردی وار دوستلار  اوزومه عاییتدیر

   منی باغیشلایین  چوخ  بوردا اولانمیرام  هر گون باش وورورام  سادجه  بیر نئچه  دقیقه  ایچین.میننتدارام  سیزلره

مهربان و سایقی دئیر  قانداشلاریم بیر نئچه آیدیر کی بوتون یازیلاریم  و حتی ایکی ایل بوندان قاباق دا یازدیقلاریم ندن و نه علته  سیلینیب بیلمیرم  مدیریت بلاگفایا دا نامه یازدیم تاسفلا جوابی آلانمادیم    ایندی بیلمیرم  حک  اولموشام  یا مدیریت  بلاگفا  خذف ائدیب اما دئمه لییم کی 93و94 ده یازیلان بوتونشعر و یازیلاریم  سیلینیب .

آنجاق مجبورام یا باشقا  بیر سایتا  داشینام  ویا  یئنی بیر پوللو  سایت  اوز هزینمدن آچام .سوزومون سونوندا سیز محترم و سایقی دئییر دوستلاریمدان  عذر  ایسته ییب و اوز میننتدارلیقیمی  بیلدیریرم  .ووردوقونوز بوتون مکتوبلاردان  دولایی  سیزین  حضورونوزدا باش  اییب و اوز میننتدارلیقیمی بیلدیریرم.

سایقیلارلا   مدیریت  وبلاگ  شعرو نویسندگی  آذریان

ائوده بیر ایل آه چکرم خبر یوخ

ائودن چیخام من او یانا یار گلی

تای توشلاریم چوله چیخا گون چیخار

من چیخاندا یاغیش گئتسه قار گلی

یازیخ گوزوم آجلیغا دوز داریخما

بوگون - صاباح باهار گلی بار گلی

بیزه گله - گلمیه بیر کال ایده

قونشوموزا هیوا گلی نار گلی

خان ائوینه شیر گلی قویروق بولار

بیزم ائوه کور ایت گلی هار گلی

خلقه قوناق گلی گوزی سورمه لی

بیزیم ائودن کور گیتمه میش کار گلی

بختیمه آرواد نه چیخا بیلمیرم

بللی دی کی سارساغا سوسار گلی

بیر "اوچ اتک" اندازادی اگنیمه

"سالیس بوری" گن گلمه سه دار گلی

دولتیه یاس دا گله اوینایار

بیز کاسیبا طوی گله آخسار گلی

غم یوکونن کدخدا نین حصه سی

خردل اولی بیزیم کی خالوار گلی

کده بیزی دویلله بیر هاوار یوخ

بیز بیر کلمه حق دانیشاق جار گلی

دارغاشاییدلار بیزه سرکار چیخار

داردیبینن قورتولا سردار گلی

بوندان بئله اؤزگه گورم اؤزکه دن

منت چکیر غیرتمه عار گلی

ایشچی تویوق کسنده من باخانمام

بیلمم نجه اؤرگینن وار گلی

غم دن منیم بیر عینک وار گوزومده

ایشیق - آیدین گون گوزومه تار گلی

عشقیم دوشوب یادیما گوزلر داشیر

باهاردا سئل آتلانی چایلار گلی

چوخ شاعیرین طبعی دونار بوز کیمی

شهریارین شعریده قاینار گلی

محبتت را  میگذارند پای احتیاجت...

صداقتت را میگذارند  پای  سادگیت 

سکوتت را میگذارند  پای  نفهمیت 

 نگرانیت را میگذارند  پای تنهاییت..

و  وفادارییت را میگذارند  پای  بی   کسییت..

و ...آنقدر تکرار میکنند که  خودت باورت  میشود  که  تنهایی  و  بیکس  و محتاج